Iùil fàilte
Sealladh thairis a' chunntas-sluaigh is na tha e a' cruinneachadh.
An cunntas-sluaigh agus tidsearan
’S e tachartas cloiche-mìle a th’ ann an Cunntas-sluaigh na h-Alba.
’S e cunntadh oifigeil de na daoine is sliochdantaighe uile a tha san dùthaich a th’ ann.
Tha cunntas-sluaigh air a bhith a’ tachairt gach 10 bliadhna bho 1801. Tha na freagairtean a tha daoine a’ toirt do cheistean cunntais sluaigh gar cuideachadh dealbh de shluaigh na h-Alba a tharraing. Tha feum aig an Riaghaltas agus aig solaraichean seirbheise air dàta a’ chunntais-shluaigh gus co-dhùnaidhean cudromach a dhèanamh.
Tha sinn airson dèanamh cinnteach gun tèid guth a h-uile duine a chunntadh san chunntas-sluaigh agus gum bi ìomhaigh mhionaideach is chuimseach den dùthaich againn.
’S e sin as coireach gum biomaid air ar dòigh nam b’ urrainn dhuibh is do ur sgoilearan a bhith an sàs ann an Cunntas-sluaigh na h-Alba 2022 agus a bhith ag ionnsachadh mu dheidhinn tairbhean a’ chunntaisshluaigh.
Ceart ma-thà, tòisicheamaid!
Eachdraidh a’ chunntais-shluaigh
Mar a chaidh òrdachadh le Achd Pàrlamaid, tha cunntas-sluaigh oifigeil de shluagh Bhreatainn air a bhith a’ tachairt gach 10 bliadhna bho 1801, ach a-mhàin ann an 1941 is 2021.
Ron sin, bha cunntasan-sluaigh neochunbhalach agus cha robh iad a’ dèanamh mòran eile ach àireamh an t-sluaigh fhèin a chunntadh. Ach bho 1801, rinn cunntasan-sluaigh dealbh nas doimhne is nas fharsainge de shluagh na h-Alba.
Tha tòrr air atharrachadh bho 1801, gu h-àraidh a thaobh dè cho mionaideach ’s a tha ceistean a’ chunntais-shluaigh. Mar eisimpleir, an-diugh, thathar a’ faighneachd cia mheud càraichean a tha agaibh no am bi sibh a’ cleachdadh Cànan-soidhnidh Bhreatainn. Tha freagairtean nan ceistean ud a’ cruthachadh ìomhaigh gu math mionaideach de shluagh na h-Alba agus tha seo a’ cuideachadh an Riaghaltais gus co-dhùnaidhen dhèanamh a bhios buannachdail don dùthaich air fad.
Às dèidh 100 bliadhna, ’s urrainn don phoballa h-uile cunntas-sluaigh fhaighinn. Tha sin a’ ciallachadh gun urrainn dhuinn rannsachadh ciamar a dh’atharraich Alba on na làithean a tha seachad agus barrachd fiosrachaidh fhaighinn mu dheidhinn nan daoine a bha ann romhainn.
Gheibhear barrachd fiosrachaidh air a’ chunntas-shluaigh aig Clàran
Nàiseanta na h-Alba agus Cunntassluaigh na h-Alba.
Agus airson barrachd fiosrachaidh eachdraidheil, rachaibh gu làrach-lìn Scotland’s People.
Cunntas-sluaigh na h-Alba 2022
Tha Cunntas-sluaigh na h-Alba air a bhith a’ sìor-atharrachadh bho 1801.
An-diugh, gabhaidh ceisteachan a’ chunntas shluaigh airson ur sliochd-taighe a lìonadh air loidhne no air pàipear. Tha an cunntas-sluaigh fhathast a’ cruinneachadh ainmean is aoisean nan daoine a tha a’ fuireach anns an t-sliochd taighe agaibh ach chaidh a leasachadh gus barrachd fiosrachaidh fhaighinn, a’ gabhail a steach na h-obrach agaibh, na ceadansiubhail a tha agaibh agus cia mheud càr a tha agaibh.
Tha feum aig an Riaghaltas agus aig solaraichean seirbheis eile air dàta a’ chunntais-shluaigh gus co-dhùnaidhean cudromach a dhèanamh. Faicibh na h-uidheaman airson barrachd fiosrachaidh no airson iùl seòmair-chlas a luchdachadh a-nuas. Gheibhear tòrr ghoireasan gus planaichean leasain a chruthachadh, mholaidhean airson cleasan sa chlas is mòran eile.